I miss speaking in Waray-Waray. And because of that, I shall write in Waray.

Maiha na ako waray maka istorya hin waray-waray. Tapos kun na uli man ako ha amon, diri man liwat ako nakakayakan kay diri naman ako hi-ara. Kun nagawas ako, nag tatagalog na la ako.

Pero may ada mga oras na nakakag-waray ako. Labi na kun may ada ako gusto ig siring pero diri ko nasisiring. Nag wawaray na la ako. Kun waray man makasabot it akong gin yakan, okay la ha akon basta na siring ko la.

Amo yana it akon gin hihimo. Daw kadamo it akon gusto ig siring pero dili ako sigurado kun angay ig siring nga makaka brao it mga tawo.

Sige daw…

May ada ako sangkay nga diri ko na gud sangkay yana. Daw gin traydor niya ako pati ang amon ia nga sangkay. Bangin liwat waray la ha iya huna huna kay riko man hiya. So diri hiya nakakasabot kun ano it among gin aagi-an. Sayang lang kay maiha na liwat kami nga sangkay.

…

Pira na ka bulan na waray ako tumawag hit akong iroy. Daw waray na ngani ako iroy. Waray amay, waray iroy. Upat kami na mag burogto pero daw tolo naman lan kami yana. Ambot la it usa kun bugto pa it iya pagkita ha akon.

Makuri man ngayo-an mag surat hin winaray. Waray na ako iba na masurat kay gin kukuri-an ako mag huna-huna hin waray. English la gihapon it akong huna huna. Kulang la ada ako hin praktis.